Navigation

Inhaltsbereich

  • Erste Mitteilung
  • Neuen Beitrag einfügen
Il Grischun presidiescha quest onn la cuminanza da lavur da las regiuns alpinas (ARGE ALP). En il center stat il tema da la forza idraulica en il territori alpin. Ina seria da contribuziuns da video dat invistas interessantas da la producziun d'electricitad e mussa l'impurtanza da la forza idraulica per il territori alpin.

La forza idraulica è ina da las funtaunas d'energia las pli impurtantas per ils pajais da las Alps. Il Grischun è situà en la "chombra d'aua da l'Europa". Perquai pudain nus profitar effizientamain da noss avantatg dal lieu grazia a la ritgezza d'aua e grazia a la pendenza ch'è avant maun. La forza idraulica è ina energia indigena che respecta tant il clima sco er l'ambient. Ultra da quai stgaffescha l'utilisaziun da la forza idraulica plazzas da lavur en nossas regiuns da muntogna, gist er en las regiuns periferas ed economicamain main fermas. Plinavant producescha la forza idraulica ina gronda part da la valurisaziun en noss pajais ed ans renda uschia independents. L'economia d'electricitad contribuescha cun var 4 pertschient al product naziunal brut (PNB) dal Grischun e cun var 9 pertschient a la valurisaziun tras l'export dal Grischun. Circa trais quarts da l'electricitad che vegn producida en il Grischun vegnan oz exportads. La forza idraulica chaschuna mintga onn grondas summas d'investiziun, da las qualas profita directamain er il mastergn local e regiunal. La forza idraulica gida uschia essenzialmain a cuntanscher ina persistenza economica e sociala en il territori da muntogna.

In nov video da la chanzlia chantunala dat invistas interessantas da l'intern d'in implant idraulic. La reportascha or da l'implant electric Zervreila a Val S. Pieder As maina sin in tur da controlla tras il mir da serra. Ultra da quai mussan sequenzas da video particularas dals onns 1953 fin 1956 la construcziun dal mir da serra.

Tut las infurmaziuns davart l'onn presidial dal Grischun èn consultablas sut www.gr.ch/argealp ed infurmaziuns generalas davart la ARGE ALP vegnan messas a disposiziun sut www.argealp.org.


Infurmaziuns:
presidenta da la regenza Barbara Janom Steiner, scheffa dal departament da finanzas e vischnancas, tel. 081 257 32 01, e-mail Barbara.Janom@dfg.gr.ch


Gremium: Arge Alp / Standeskanzlei Graubünden
Quelle: dt Arge Alp / Standeskanzlei Graubünden
Neuer Artikel

Video

Object reference not set to an instance of an object.