Zum Seiteninhalt

Cunvegna d'instrucziun en la protecziun civila tranter ils chantuns Glaruna e Grischun

  • Erste Mitteilung
  • Neuen Beitrag einfügen
Ils chantuns Glaruna e Grischun han reglà en in contract la realisaziun cuminaivla da l'instrucziun dals appartegnents da la protecziun civila. Il cusseglier guvernativ Christian Rathgeb ed il cusseglier guvernativ Andrea Bettiga han suttascrit oz questa cunvegna.

Sco chantuns muntagnards han Glaruna e Grischun basegns sumegliants en il sectur da la protecziun civila. Correspundentamain datti gia oz blers puncts cuminaivels e bleras sinergias. Ina cooperaziun en il sectur da l'instrucziun da protecziun civila è pia mo stada la consequenza logica. En la cunvegna vegn reglada la realisaziun cuminaivla da l'instrucziun da basa, da cader e da spezialists per ils appartegnents da la protecziun civila dals chantuns Glaruna e Grischun sco er ils curs da furmaziun supplementara e da repetiziun.

Per l'instrucziun cuminaivla ston ils chantuns da cunvegna metter a disposiziun – en proporziun cun ils participants als curs – instructurs da protecziun civila. La scolaziun ha lieu per regla en il center d'instrucziun da protecziun civila Meiersboden a Cuira. Ina cumissiun da surveglianza che consista dals directurs dals uffizis e dals manaders da la partiziun "instrucziun da protecziun civila" dals chantuns da cunvegna, fixescha standards da qualitad unitars per la scolaziun e surveglia che quels vegnian observads.

Fotografias agiuntadas:
-
Cusseglier guvernativ Christian Rathgeb (a sanestra) e cusseglier guvernativ Andrea Bettiga (a dretga) suttascrivan la cunvegna da scolaziun en la protecziun civila.

-


Infurmaziuns:
- cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch
- Martin Bühler, directur da l'uffizi da militar e da protecziun civila, tel. 081 257 35 22, e-mail Martin.Bühler@amz.gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel