Navigaziun principala

Cuntegn da la pagina

"Es ti fit?" – dapi diesch onns in pais saun

  • Erste Mitteilung
  • Neuen Beitrag einfügen
"Es ti fit?", il program chantunal d'acziun per in pais saun, festivescha l'onn 2018 ses 10. anniversari. L'uffizi da sanadad dal Grischun profita dal giubileum per dir grazia. L'onn da giubileum metta in ferm accent sin la stima da las "scolas en moviment", da las canortas e da las scolinas "cupitgarola", da las gruppas da gieu "Es ti fit?", da las gruppas ma-pi e da las famiglias grischunas en general.

Promover in pais saun è in tema central da la strategia chantunala da prevenziun. La finamira è quella da francar activitad corporala e nutriment saun en ils chaus dals uffants e giuvenils grischuns. Cun sustegn da la Promoziun Sanadad Svizra realisescha il chantun Grischun dapi l'onn 2008 il program d'acziun "Es ti fit? – Pais saun en il Grischun". Dapi diesch onns realiseschan persunas decisivas da scolas e da vischnancas mesiras en tut il chantun. Ellas gidan en moda essenziala che uffants e giuvenils sa movan regularmain, fan sport e sa nutreschan en moda equilibrada. L'uffizi da sanadad dal GR Grischun e graubündenSPORT vulessan engraziar per quest engaschament.

Fatgs e cifras dal program realisà cun success

Ils ultims onns èn vegnidas creadas 90 gruppas ma-pi, 21 gruppas da gieu "Es ti fit?", 25 canortas "cupitgarola", 140 scolinas "cupitgarola", 85 "scolas en moviment", 50 plazzas da gieu adattadas e 13 pumptracks. Tut en tut 1400 persunas decisivas transportan la missiva centrala da "Es ti fit?" en tut las regiuns dal Grischun.

Activitads durant l'onn da giubileum
Tut ils partenaris da "Es ti fit?" han survegnì ina invitaziun per sa participar a l'acziun d'in film curt. Classas e gruppas pon far in film curt simpel davart ils temas dal sa mover regularmain e dal sa nutrir en moda equilibrada ed inoltrar quel. Sco exempel stat a disposiziun il film curt dad Armon Orlik. Il lutgader mussa sin www.bischfit.ch/10Jahre, tge bun sentiment che quai è d'esser fit. Il spezial da questa acziun da films curts èn ils premis principals ch'èn unics. Ins po gudagnar mezs dis da moviment "Es ti fit?" per classas u per gruppas sco p.ex. lutgar cun Armon Orlik u in percurs da gieu e da moviment en la stanza da scola.

La stad suondan 66 ideas "Es ti fit?" che sustegnan famiglias, geniturs ed ulteriuras persunas d'assistenza d'esser fits durant l'entir onn.
Per l'atun 2018 è planisà in event da colliaziun. A questa occurrenza datti stans da sanadad e da moviment, pon ins rimnar novas ideas e debattar al "world-café". Uschia restan las bleras persunas decisivas da "Es ti fit?" al current concernent la savida. L'event cumplettescha l'onn da giubileum dad "Es ti fit?".

Cun las activitads durant l'onn da giubileum sa tracti da consolidar las purschidas da moviment iniziadas, da derasar vinavant il program e d'etablir en il chantun ina cultura da moviment che vegn sustegnida da bleras varts.

Agiuntas

- material fotografic da l'orientaziun a las medias e video participativ cun Armon Orlik sut www.bischfit.ch/10Jahre  
- link al program d'acziun "Es ti fit?": www.bischfit.ch


Infurmaziuns:

- cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch
- Nicola Katharina Kull, secretaria dal departament da sanadad, tel. 081 257 25 12, e-mail Nicola.Kull@djsg.gr.ch  
- Hanspeter Brigger, manader dal program "Pais saun", uffizi da sanadad dal Grischun, tel. 081 257 64 05, telefonin 079 257 18 10, e-mail Hanspeter.Brigger@san.gr.ch  


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel