Navigaziun principala

Cuntegn da la pagina

La PUG ed ils SPGR fusiuneschan

  • Erste Mitteilung
  • Neuen Beitrag einfügen
Ils 6 da mars 2018 han il cussegl da fundaziun da la psichiatria d'uffants e da giuvenils dal Grischun (PUG) ed il cussegl administrativ dals servetschs psichiatrics dal Grischun (SPGR) suttascrit ina decleraziun d'intenziun per fusiunar ils manaschis. La regenza beneventa questa decisiun.

Sin iniziativa dal departament da giustia, segirezza e sanadad han il cussegl da fundaziun da la PUG ed il cussegl administrativ dals SPGR nominà l'october 2017 ina gruppa directiva e da project cun la finamira d'examinar ina fusiun pussaivla da las instituziuns. Il resultat da questa examinaziun e las premissas deducidas da quella per fusiunar la PUG cun ils SPGR èn vegnids fixads en ina decleraziun d'intenziun correspundenta. Questa decleraziun d'intenziun è ussa vegnida suttascritta ils 6 da mars 2018 dal cussegl da fundaziun da la fundaziun per la psichiatria d'uffants e giuvenils dal Grischun (PUG) e dal cussegl administrativ dals servetschs psichiatrics dal Grischun (SPGR).

A la sesida dals 20 da mars 2018 ha la regenza prendì enconuschientscha da la decleraziun d'intenziun suttascritta. Ella è cuntenta dal fatg che tant il cussegl da fundaziun sco er il cussegl administrativ han pudì sa cunvegnir ad in proceder cuminaivel. Ella beneventa la fusiun ed è persvadida che las sinergias da la cooperaziun vegnan ad avair in effect positiv tant per la psichiatria d'uffants e da giuvenils sco er per la psichiatria da persunas


Infurmaziuns:
- dr. Christian Rathgeb, schef dal departament da giustia, segirezza e sanadad, tel. 081 257 25 00, e-mail Christian.Rathgeb@djsg.gr.ch
- Nicola Katharina Kull, secretaria dal sectur sanadad dal departament da giustia, segirezza e sanadad, tel. 081 257 25 12, e-mail Nicola.Kull@djsg,gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel