Navigation

Inhaltsbereich

Consultaziun tar il plan secturial chantunal Velo

  • Erste Mitteilung
  • Neuen Beitrag einfügen
La regenza ha deliberà il plan secturial chantunal Velo per la consultaziun. Cun il plan secturial vegni fixà a tge vias da velo ch'i vegn attribuida ina impurtanza principalmain chantunala. Quellas pon vegnir sustegnidas cun contribuziuns chantunalas pli grondas.

L'impurtanza dal traffic da velo per il chantun Grischun crescha. Il departament da construcziun, traffic e selvicultura ha perquai elavurà per incumbensa da la regenza in plan secturial chantunal Velo. Quel divida la rait chantunala da vias da velo en ina rait dal traffic quotidian ed en ina rait dal traffic da temp liber che han mintgamai ina impurtanza differenta per il chantun. L'attribuziun da las colliaziuns è in factur essenzial per l'autezza da las contribuziuns chantunalas.

Ils documents ed in video èn pronts
Las basas da la planisaziun da las raits, ils criteris per fixar las contribuziuns chantunalas e las pretensiuns architectonicas vegnan er fixads en il plan secturial. Tut ils documents appartegnents pon vegnir consultads sin la pagina d'internet dal chantun Grischun. Sin la medema pagina mussa ultra da quai in video da la chanzlia chantunala tge finamiras che vegnan persequitadas cun il plan secturial.

Proxims pass
La consultaziun dura fin ils 8 da zercladur 2018. Cur che la durada da la consultaziun è terminada decida la regenza davart l'approvaziun dal plan secturial chantunal Velo. Il plan da las raits da vias da velo ch'el cuntegna vegn alura publitgà ed actualisà en l'internet, sin il sistem d'infurmaziun geografica dal chantun.

Documents da la consultaziun


Infurmaziuns:

- president da la regenza dr. Mario Cavigelli, schef dal departament da construcziun, traffic e selvicultura, tel. 081 257 36 01, e-mail Mario.Cavigelli@bvfd.gr.ch
- Reto Knuchel, inschigner chantunal, uffizi da construcziun bassa, tel. 081 257 37 01, e-mail Reto.Knuchel@tba.gr.ch


Gremi: regenza
Funtauna: rg departament da construcziun, traffic e selvicultura
Neuer Artikel

Video: La rait da vias da velo en il Grischun