Navigation

Inhaltsbereich

  • Erste Mitteilung
  • Neuen Beitrag einfügen
Dacurt èn cusseglier guvernativ Christian Rathgeb, il comité "Segirezza al cunfin" che consista da commembras e commembers dal cussegl grond engaschads e cusseglier federal Ueli Maurer sco er il directur da l'administraziun federala da duana (AFD), Christian Bock, sa scuntrads a Berna per tractar la segirezza al cunfin chantunal sco er per discutar davart il corp da guardias da cunfin.

Cusseglier guvernativ Christian Rathgeb e sia delegaziun che consista da la secretaria dal departament Regula Hunger e da la commembra e dals commembers dal cussegl grond Brigitta Hitz, Mario Salis, Maurizio Michael ed Alessandro Della Vedova èn sa scuntrads a Berna cun cusseglier federal Ueli Maurer sco er cun il directur da l'AFD Christian Bock ad in discurs davart il futur da l'incumbensa communabla "segirezza".

En il center dal discurs constructiv è stada la segirezza al cunfin ost e sid, la pratica da communicaziun sco er la dotaziun dal corp da guardias da cunfin e sia organisaziun. Cusseglier guvernativ Christian Rathgeb e sia delegaziun han pudì preschentar lur giavischs e render attent a la situaziun al cunfin ost e sid. Cusseglier federal Ueli Maurer ha garantì als Grischuns ch'il dumber da guardias da cunfin en il chantun Grischun na duai betg vegnir reducì. Il giavisch d'ina politica dînfurmaziun pli activa è vegnì prendì encunter e beneventà. Cusseglier guvernativ Christian Rathgeb ha envidà cusseglier federal Ueli Maurer e Christian Bock ad ina inspecziun dal cunfin sid dal Grischun. Questa scuntrada duai avair lieu probablamain anc la fin da questa stad.

Fotografia agiuntada:
-
Da sanestra a dretga: secretaria dal departament Regula Hunger, directur da l'AFD Christian Bock, deputà Mario Salis, cusseglier guvernativ Christian Rathgeb, deputà Alessandro Della Vedova, cusseglier federal Ueli Maurer, deputada Brigitta Hitz, deputà Maurizio Michael


Infurmaziuns:
cusseglier guvernativ dr. Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel