Navigaziun principala

Cuntegn da la pagina

Da nov pon Grischunas e Grischuns reglar lur midada da chasa sur l'internet

  • Erste Mitteilung
  • Neuen Beitrag einfügen
Midadas da chasa pon vegnir annunziadas a partir d'immediat er en il Grischun independentamain da las uras d'avertura dal spurtegl sur l'internet. Per il mument permettan quai las vischnancas da pilot da Cuira e da Landquart. Ils mais successivs vegnan ulteriuras vischnancas grischunas a porscher quest servetsch.

"eMidadaCH" è in project coordinà sin plaun naziunal, che pussibilitescha a persunas cun domicil en Svizra da reglar sin via electronica lur midadas da chasa entaifer la Svizra. Ensemen cun las vischnancas da Cuira e da Landquart ha il chantun stgaffì las premissas per introducir "eMidadaCH" en il chantun Grischun. Il manaschi da pilot da dus mais ha gì success. Pass per pass pon ulteriuras vischnancas grischunas s'associar al project. La decisiun, sche e cura che "eMidadaCH" vegn introducida, è chaussa da las vischnancas.

Il program eMidada po vegnir avià sur la pagina d'internet eumzug.swiss. Là èn er visiblas las vischnancas che sa participeschan ad eMidada. Il process d'annunzia electronic vegn explitgà en il film "eMidadaCH – il process d'annunzia online". Il film ed ulteriuras infurmaziuns sa chattan sin la suandanta pagina d'internet:
https://www.egovernment.ch/de/umsetzung/schwerpunktplan/e-umzug-schweiz/


Infurmaziuns:
Werner Danuser, manader da l'uffizi d'informatica dal Grischun, tel. 081 257 31 70, e-mail Werner.Danuser@afi.gr.ch


Gremi: uffizi d'informatica
Funtauna: rg uffizi d'informatica
Neuer Artikel