Navigation

Inhaltsbereich

In stipendi d'atelier da nov er per Roma

  • Erste Mitteilung
  • Neuen Beitrag einfügen
En il rom d'in project da pilot surdat il chantun Grischun ils onns 2019 e 2021 ad artistas ed artists grischuns stipendis d'atelier a Roma.

Dapi l'onn 2013 metta il chantun Grischun a disposiziun ad artistas ed artists dal Grischun in atelier d'abitar a Vienna. Da nov vegn purschida ad artistas ed artists grischuns supplementarmain la pussaivladad d'utilisar in atelier d'abitar a Roma, e quai durant ina fasa da pilot ils onns 2019 e 2021. L'atelier d'abitar stat a disposiziun alternantamain als chantuns Son Gagl e Grischun ed al Principadi da Liechtenstein. Il locatari principal è il chantun Son Gagl.

L'atelier d'abitar mobiglià (3 stanzas) sa chatta en il quartier San Lorenzo en la Via dei Latini 18. La dimora dura mintgamai 6 mais (1. da zercladur – 30 da november 2019 ed 1. da zercladur – 30 da november 2021). Il chantun Grischun metta a disposiziun l'atelier d'abitar gratuitamain a las artistas ed als artists e paja in supplement mensil da 2000.– francs a lur custs da viver.

Da candidar èn envidads artistas professiunalas ed artists professiunals che:
- han lur domicil en il chantun Grischun;
- han ina stretga relaziun cun il chantun Grischun u cun la cultura grischuna.

Las annunzias èn pussaivlas per tut las spartas e n'èn betg liadas a la vegliadetgna.

Il termin d'annunzia per il "atelier Roma 2019" dura fin venderdi, ils 26 d'october 2018 (data dal bul postal).

Fotografia agiuntada:
-

 atelier d'abitar a Roma


Infurmaziuns:

- cusseglier guvernativ Martin Jäger, schef dal departament d'educaziun, cultura e protecziun da l'ambient, tel. 081 257 27 01, e-mail: Martin.Jaeger@ekud.gr.ch  
- Barbara Gabrielli, manadra da l'uffizi da cultura, tel. 081 257 48 01, e-mail Barbara.Gabrielli@afk.gr.ch  


Gremi: uffizi da cultura
Funtauna: rg uffizi da cultura

Neuer Artikel