Navigaziun principala

Cuntegn da la pagina

Nova procuratura directiva per giuvenils

  • Erste Mitteilung
  • Neuen Beitrag einfügen
Cusseglier guvernativ Christian Rathgeb ha nominà Bettina Ott Guyan sco nova procuratura directiva per giuvenils. Ella vegn a surpigliar questa funcziun il 1. da zercladur 2019.

Cusseglier guvernativ Christian Rathgeb ha elegì Bettina Ott Guyan, 51 onns, da Fideris e da Winterthur, lic. iur. advocata, sco nova procuratura directiva per giuvenils. Ott Guyan ha lavurà durant blers onns sco inquisitura tar la procura publica dal Grischun, nua ch'ella ha dapi l'onn 2008 la funcziun d'ina procuratura per giuvenils. Ella daventa successura dad Albert Fausch che va en pensiun la fin da matg 2019 suenter 14 onns sco procuratur directiv per giuvenils.

La procuratura directiva per giuvenils fa inquisiziuns penalas cunter giuvenils en cas da crims, da delicts e da surpassaments, ed ella sto exequir il dretg statal da chastiar. Plinavant è ella cumpetenta per l'execuziun da tut ils chastis e da tut las mesiras envers giuvenils. La procuratura directiva per giuvenils è suttamessa a l'emprim procuratur public.

Fotografia agiuntada:
-
Bettina Ott Guyan


Infurmaziuns:
- cusseglier guvernativ Christian Rathgeb, schef dal departament da giustia, segirezza e sanadad, tel. 081 257 25 01, e-mail Christian.Rathgeb@djsg.gr.ch  
- Claudio Riedi, emprim procuratur public, tel. 081 257 25 51, e-mail Claudio.Riedi@sta.gr.ch  


Gremi: departament da giustia, segirezza e sanadad
Funtauna: rg departament da giustia, segirezza e sanadad
Neuer Artikel