Zum Seiteninhalt

Nov secretari dal departament d'educaziun, cultura e protecziun da l'ambient

Simon Bott è vegnì elegì da la regenza sco nov secretari dal departament d'educaziun, cultura e protecziun da l'ambient (DECA) dal chantun Grischun. El cumenza sia plazza il fanadur 2019.

Simon Bott, M.A. HSG (giurisprudenza cun scienzas economicas) daventa nov secretari dal departament d'educaziun, cultura e protecziun da l'ambient ch'è suttamess al president da la regenza Jon Domenic Parolini. Simon Bott ha 31 onns ed abita a Ziràn-Reschen. El surpiglia ils 8 da fanadur 2019 la plazza d'Andrea Stadler.

Sin fundament da sias differentas activitads tar dretgiras e tar l'administraziun chantunala e grazia a sia activitad en in biro d'advocatura ha Simon Bott enconuschientschas actualas dal dretg privat e dal dretg administrativ.

Tar il DECA vegn el a cussegliar ed a sustegnair il schef dal departament sco er ils posts da servetsch. En spezial è el responsabel per garantir la qualitad giuridica da las fatschentas.


Fotografia:
-
Simon Bott, nov secretari dal departament d'educaziun, cultura e protecziun da l'ambient


Infurmaziuns:
president da la regenza Jon Domenic Parolini, schef dal departament d'educaziun, cultura e protecziun da l'ambient, tel. 081 257 27 01, e-mail Jondomenic.Parolini@ekud.gr.ch


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient