Zum Seiteninhalt

Elecziuns dal cussegl naziunal 2019: 100 candidatas e candidats per il Grischun

Ils 20 d'october 2019 han lieu las elecziuns dal cussegl naziunal. Entaifer il termin fixà èn entradas tar la chanzlia chantunala 20 glistas electoralas cun totalmain 100 candidatas e candidats (35 dunnas e 65 umens).

Per numerar las glistas per las elecziuns dal cussegl naziunal è decisiva en il chantun Grischun la successiun, en la quala las glistas electoralas vegnan inoltradas. Sche pliras glistas electoralas vegnan inoltradas il medem di, decida la sort davart la numeraziun.

L'emprim di per inoltrar glistas electoralas è stà glindesdi, ils 20 da matg 2019. Quel di èn entradas 18 glistas tar la chanzlia chantunala. Il di suenter è vegnida tratga la sort davart la numeraziun da las glistas. Fin ier glindesdi, ils 5 d'avust 2019, han pudì vegnir inoltradas ulteriuras propostas electoralas. Dapi ils 20 da matg èn vegnidas vitiers duas ulteriuras glistas.

Ina survista detagliada incl. ils nums da las singulas candidatas e dals singuls candidats stattan a disposiziun sin la pagina d'internet davart las elecziuns dal cussegl naziunal 2019.


Gremi: regenza
Funtauna: rg chanzlia chantunala dal Grischun