Cuntegn da la pagina

Inscunter da la directura da fedpol cun il cusseglier guvernativ Peter Peyer

  • Erste Mitteilung
  • Neuen Beitrag einfügen

Il cusseglier guvernativ Peter Peyer e la directura da l'Uffizi federal da polizia (fedpol) èn sa scuntrads per in discurs.

La collavuraziun dal chantun Grischun cun fedpol è stretga e multifara. En il rom d'in inscunter èn vegnids tractads tranter auter ils temas dal concept Countering-Organised-Crime (COC) sco er dal plan d'acziun respectiv "antimafia". Il chantun Grischun ha suttastritgà anc ina giada sia prontezza da collavurar e da cooperar da bel principi al COC. fedpol beneventa quest engaschament ed è persvasa da pudair profitar da las experientschas ch'il chantun Grischun ha fatg cun ses proceder en la Val Mesauc. Questa pratica dal chantun Grischun che vegn applitgada dapi passa trais onns, correspunda a l'agir previs da fedpol.

Tuttas duas varts èn stadas d'accord che la collavuraziun existenta saja sa cumprovada fitg bain e ch'ella duaja vegnir extendida anc pli fitg.


Infurmaziuns:

cusseglier guvernativ Peter Peyer, schef dal Departament da giustia, segirezza e sanadad, tel. 081 257 25 01, e-mail Peter.Peyer@djsg.gr.ch


Gremi: Departament da giustia, segirezza e sanadad
Funtauna: rg Departament da giustia, segirezza e sanadad

Neuer Artikel