Navigation

Inhaltsbereich

  • Erste Mitteilung
  • Neuen Beitrag einfügen
La Regenza surdat il Premi grischun da cultura 2020 al fotograf Guido Baselgia. Plinavant ha ella prendì enconuschientscha dal resultat d'ina expertisa curta davart l'incarica ch'era vegnida surdada l'onn 2017 en la procedura directa per ils alloschis provisorics dal convict da la Scola chantunala grischuna.

Il Premi grischun da cultura 2020 va a Guido Baselgia

La Regenza surdat il Premi grischun da cultura 2020 a Guido Baselgia. Il fotograf da Malans ha stgaffì ils ultims 30 onns in'ovra artistica da gronda impurtanza. Ses maletgs en alv e nair da las muntognas dal Grischun, da las cuntradas da la Bolivia e dal guaud tropic en l'Ecuador rendan abels da vesair ed ans prendan cun sai tar las basas da la terra e tar la vulnerabilitad dal mund. Guido Baselgia (1953), ch'è oriund da l'Engiadina, è in observader cumpetent da la realitad, in poet da la glisch ed in maister da l'artisanadi e da la tecnica da la fotografia. Turnond a chasa da ses viadis sviluppa el en sia chombra stgira a Malans maletgs d'ina bellezza impressiunanta. Il premi è dotà cun 30 000 francs.


-

©Monika Baselgia

Plinavant surdat la Regenza set premis da renconuschientscha ed otg premis da promoziun da mintgamai 20 000 francs. Ils premis vegnan surdads en il rom d'ina festa che ha lieu ils 12 da zercladur 2020 a las 17.15 a Malans.

Glista da tut las persunas premiadas 2020

La Regenza surdat il Premi grischun da cultura 2020 a Guido Baselgia. Il fotograf da Malans ha stgaffì ils ultims 30 onns in'ovra artistica da gronda impurtanza. Il premi è dotà cun 30 000 francs.

Expertisa davart la surdada da l'incarica per ils moduls da lain sco alloschis per scolaras e scolars chantunals

La Regenza ha prendì enconuschientscha dal resultat d'ina expertisa curta davart l'incarica ch'era vegnida surdada l'onn 2017 en la procedura directa per ils alloschis provisorics dal convict da la Scola chantunala grischuna. L'expertisa stat en connex cun ina dumonda parlamentara dal deputà Wilhelm. Tenor l'expert per dretg da surdadas ch'è vegnì engaschà en quest connex, n'èn ils fatgs excepziunals dal dretg da submissiun plitgunsch betg ademplids. Ord vista tecnica, economica ed organisatorica paria il proceder tschernì percunter raschunaivel. Ils moduls da lain vegnan duvrads dapi il cumenzament da l'onn da scola 2018/19 sco alloschi per scolaras e scolars chantunals. Il conclus da la Regenza e l'expertisa curta èn publitgads sin la paginad'internet dal chantun.

La Regenza ha prendì enconuschientscha dal resultat d'ina expertisa curta davart l'incarica ch'era vegnida surdada l'onn 2017 en la procedura directa per ils alloschis provisorics dal convict da la Scola chantunala grischuna. L'expertisa stat en connex cun ina dumonda parlamentara dal deputà Wilhelm.

Glisch verda per in parc da mastergn a Schiers

La Regenza ha approvà la revisiun parziala da la planisaziun locala che la vischnanca da Schiers aveva concludì ils 27 d'avust 2019. Uschia po vegnir realisà il parc da mastergn sin l'areal "Ausser dem Sagensteg". Sin basa d'ina planisaziun, d'ina projectaziun e d'ina execuziun d'auta qualitad duai vegnir garantì ch'il territori da la zona da mastergn "Ausser dem Sagensteg" vegnia surbajegià ed utilisà optimalmain. Colliadas cun quai èn las finamiras da porscher bunas cundiziuns generalas a mastergnants che vulessan sa domiciliar là sco er da segirar plazzas da lavur existentas e da promover novas plazzas da lavur.

-

©Comet Photoshopping ScRL / Dieter Enz

La Regenza ha approvà la revisiun parziala da la planisaziun locala che la vischnanca da Schiers aveva concludì ils 27 d'avust 2019. Uschia po vegnir realisà il parc da mastergn sin l'areal "Ausser dem Sagensteg".

Contribuziun chantunala per sanar la chasa da dimora Florentini a Cuira

La Regenza ha approvà il project per la sanaziun totala planisada da la chasa da dimora Florentini a Cuira. Plinavant ha ella concedì ina contribuziun da construcziun maximala da var 2,6 milliuns francs. L'edifizi duai vegnir sanà en quatter etappas da construcziun. Sco emprim duai vegnir sanà il plaunterren cun la recepziun, cun il restaurant e cun la cuschina, perquai ch'ina nova concepziun da quest sectur mez public è urgenta. Lura vegnan transfurmadas e sanadas las chombras etascha per etascha. Suenter che las lavurs principalas a l'intern da l'edifizi èn terminadas, vegnan – sco ultima mesira – sanadas las stgalas sco er nettegiadas e reparadas las fatschadas. Igl è planisà da cumenzar cun las lavurs da construcziun il matg 2020.

-

©TUOR Baumanagement SA

La Regenza ha approvà il project per la sanaziun totala planisada da la chasa da dimora Florentini a Cuira. Plinavant ha ella concedì ina contribuziun da construcziun maximala da var 2,6 milliuns francs.

Societad d'ovras electricas sto eliminar las consequenzas da l'utilisaziun da la forza idraulica

En il Puschlav maina la Repower SA l'ovra electrica Robbia. Pervia da questa ovra electrica resultan variaziuns da la deflussiun e dal nivel da l'aua en il Poschiavino. Chaschunadas vegnan questas variaziuns cun auzar e sbassar la quantitad d'aua che vegn restituida sut l'ovra electrica. La Regenza ha obligà la societad d'ovras electricas da planisar e da realisar mesiras da sanaziun per eliminar quests disturbis. Per quest intent sto la Repower SA inoltrar al chantun fin il pli tard la stad 2024 mesiras approvablas e realisablas.

-

©Repower

En il Puschlav maina la Repower SA l'ovra electrica Robbia. Pervia da questa ovra electrica resultan variaziuns da la deflussiun e dal nivel da l'aua en il Poschiavino.

Neuer Artikel

Gremi: Regenza
Funtauna: rg Chanzlia chantunala dal Grischun