Navigaziun principala

Cuntegn da la pagina

Grischun: Scuntrada da las autoritads per giuditgar la situaziun en connex cun il coronavirus

  • Erste Mitteilung
  • Neuen Beitrag einfügen
Las autoritads grischunas èn sa scuntradas glindesdi en damaun a Haldenstein per giuditgar la situaziun concernent il coronavirus. En il chantun Grischun n'è confermà actualmain nagin cas.

Il manader da l'Uffizi da sanadad dal Grischun, Rudolf Leuthold, è sa barattà ensemen cun la media chantunala, Marina Jamnicki, e cun las manadras ed ils manaders dals posts da servetsch cumpetents davart ils svilups ils pli novs en connex cun il coronavirus. Els stattan en in stretg contact cun l'Uffizi federal da sanadad publica UFSP sco er cun ils chantuns vischins. Il svilup dal coronavirus vegn persequità e valità d'in cuntin. En Svizra ed uschia er en il chantun Grischun n'è fin ussa anc vegnì cumprovà nagin coronavirus. Il Grischun è preparà per prender mesiras.

La pagina d'internet dal UFSP vegn actualisada permanentamain. Tranter auter respunda il UFSP dumondas frequentas e dat recumandaziuns per viagiaturas e viagiaturs. Ultra da quai èn vegnidas installadas mintgamai ina lingia d'infurmaziun per la populaziun sco er per persunas spezialisadas dal sectur da sanadad.
Ulteriuras infurmaziuns: https://www.bag.admin.ch/bag/de/home.html  


Infurmaziuns:
Rudolf Leuthold, manader da l'Uffizi da sanadad, tel. 081 257 26 41, e-mail Rudolf.Leuthold@san.gr.ch


Gremi: Uffizi da sanadad
Funtauna: rg Uffizi da sanadad
Neuer Artikel