Navigaziun principala

Cuntegn da la pagina

Registraziun dal persunal spezialisà dal sectur da tgira

  • Erste Mitteilung
  • Neuen Beitrag einfügen

La Regenza ha concludì che tut las persunas che han emprendì ina professiun dal sectur da tgira, che na lavuran dentant betg en questa professiun emprendida e na fan betg part da la gruppa da ristga, stoppian s'annunziar. Per quest intent vegn mess a disposiziun in formular d'annunzia sin la plattafurma www.gr.ch/coronavirus sut "Il Grischun GIDA". La Regenza engrazia però er da cor al persunal da tgira.

Tenor la Lescha da sanadad dal chantun po il chantun obligar manaschis sco er persunas spezialisadas dal sectur da sanadad da cooperar tar la prevenziun e tar il cumbat cunter malsognas transmissiblas da l'uman. En la situaziun extraordinaria actuala vegni ad esser inevitabel che instituziuns da sanadad e da tgira vegnan a stuair dumagnar stretgas tar il persunal. En in'emprima fasa vegnan perquai registradas tut las persunas che vivan en il chantun Grischun e che han absolvì ina scolaziun en il sectur da tgira, che na lavuran dentant betg en lur professiun emprendida e na fan betg part da la gruppa da ristga. En ina fasa posteriura pudessan questas persunas spezialisadas vegnir obligadas ad in engaschament.

Tut las persunas che vivan en il chantun Grischun e che han in dals suandants diploms vegnan obligadas da s'annunziar:

  • spezialista/spezialist da sanadad (AFQ)
  • attest da qualificaziun en la tgira pratica da persunas malsaunas da la Crusch Cotschna Svizra
  • tgirunza diplomada ND I / tgirunz diplomà ND I
  • diplom: tgirunza/tgirunz TGM/TCM/UPP/TPsi
  • tgirunza/tgirunz da sanadad e da tgira da malsauns ND II
  • tgirunza diplomada SSS / tgirunz diplomà SSS
  • PHD Nursing Science
  • Master of Science in Nursing (MSN)
  • Master of Science en tgira (MScN) SAS
  • tgirunza/tgirunz SAS (Bachelor of Science in Nursing [BScN])

Sin la pagina d'internet www.gr.ch/coronavirus vegn mess a disposiziun in formular d'annunzia sut "Il Grischun GIDA". Formular per persunas spezialisadas.

Il medem mument engrazia la Regenza però er al persunal da tgira, a las medias ed als medis per lur grond engaschament ch'è vegnì prestà fin ussa e che vegn anc ad esser necessari il proxim temp.


 Infurmaziuns

Per ulteriuras infurmaziuns per mauns da la populaziun renviescha il chantun Grischun a la suandanta pagina d'internet: www.gr.ch/coronavirus

Per dumondas generalas per telefon stat a disposiziun a la populaziun da lingua tudestga la lingia d'infurmaziun da l'Uffizi federal da sanadad publica:
Telefon: +41 58 463 00 00 (mintga di, di e notg)


Infurmaziuns per las collavuraturas ed ils collavuraturs da las medias, per il sectur da sanadad, per las vischnancas e per las scolas
Dumondas pon vegnir drizzadas er vinavant directamain al post da communicaziun per il coronavirus:

-

Uras da manaschi: glindesdi fin venderdi da las 08.00 a las 17.00

E-mail medias: kfsmedien@amz.gr.ch  
E-mail sectur da sanadad: kfsmedical@amz.gr.ch  
E-mail vischnancas, scolas & lavur: kfsinfo@amz.gr.ch  
Telefon: +41 81 254 16 00 (gli – ven, 8.00 – 19.00)


Gremi: Regenza
Funtauna: rg Chanzlia chantunala
Neuer Artikel