Navigaziun principala

Cuntegn da la pagina

La Cumissiun dal Cussegl grond per economia e taxas sustegna il pachet da mesiras da la Regenza

  • Erste Mitteilung
  • Neuen Beitrag einfügen

La Cumissiun per economia e taxas (CET) è vegnida infurmada gia baud dal cusseglier guvernativ Marcus Caduff, schef dal Departament d'economia publica e fatgs socials, davart il pachet economic da la Regenza. Las mesiras deliberadas da la Regenza gidan a mitigiar las consequenzas economicas che resultan da las ordinaziuns per cumbatter il coronavirus.

La CET ha prendì enconuschientscha dal conclus da la Regenza concernent il pachet da mesiras inclusiv l'ordinaziun ed ha tractà quests documents sin via circulara. Ella sustegna unanimamain il proceder che la Regenza ha tschernì e beneventa explicitamain il pachet da mesiras che la Regenza ha deliberà.

Ulteriuras stentas èn necessarias
Per la CET èsi ultra da quai cler che la crisa n'è – ord vista da l'economia – anc ditg betg superada cun la fin da las mesiras ch'èn vegnidas prendidas per cumbatter COVID-19. Correspundentamain spetga ella che mesiras da sustegn vegnian prendidas er per tut quels che crodan tras la rait da las mesiras ch'èn actualmain vegnidas prendidas da la Confederaziun e dal chantun, sco er per quels, per ils quals credits n'èn betg ina via che maina a las finamiras. Er ulteriuras mesiras per sustegnair l'economia/la conjunctura dastgassan esser inevitablas e pretender bler da la politica. La CET spetga en quest connex propostas da vart da la Regenza. La Cumissiun è pronta da surpigliar la rolla che vegn attribuida ad ella en quest process e da prestar agid en chaussa.


Infurmaziuns:
president da la Cumissiun Reto Loepfe, tel. 079 620 09 30


Gremi: Cumissiun per economia e taxas
Funtauna: rg Cumissiun per economia e taxas

Neuer Artikel