Navigaziun principala

Cuntegn da la pagina

Elecziun da novs commembers da la direcziun da la Scola chantunala grischuna

  • Erste Mitteilung
  • Neuen Beitrag einfügen

La direcziun da la Scola chantunala grischuna vegn occupada da nov a partir dal 1. d'avust 2020. Nov rectur daventa Philippe Benguerel. Plinavant èn vegnids elegids Werner Carigiet sco conrectur ed Urs Spirig so ulteriur commember da la direcziun da la scola.

L'elecziun dal rectur da fin ussa Gion Lechmann sco manader da l'Uffizi per la furmaziun media-superiura ha gì per consequenza ch'igl è stà d'eleger ina nova rectura respectivamain in nov rectur a la Scola chantunala grischuna. Il conrectur da fin ussa, Philippe Benguerel, è vegnì elegì sco rectur e la plazza dal conrectur surpiglia da nov Werner Carigiet, fin ussa persuna d'instrucziun da rumantsch e da talian a la Scola chantunala grischuna.

Ulteriur commember per la direcziun da la scola
Pervia d'ina redistribuziun dals champs d'incumbensa vertents e pervia d'ina adattaziun correspundenta da la quota d'instrucziun entaifer la direcziun da la scola, ha stuì vegnir elegì in ulteriur commember en la direcziun da la scola. Quai è Urs Spirig che instruiva fin ussa ils roms biologia e chemia a la Scola chantunala grischuna.

Vastas enconuschientschas en blers secturs
En sia nova cumposiziun ha la direcziun da la scola vastas enconuschientschas da la Scola chantunala grischuna, grondas experientschas d'instruir e cumpetenzas optimalas da la trilinguitad e plurilinguitad chantunala sco er da las maturitads bilinguas. Plinavant ha ella enconuschientschas da las scienzas natiralas, da l'ulteriur svilup dal label Gimnasi activ en il sectur MINT sco er da la promoziun da la digitalisaziun. Cun questas enconuschientschas multifaras poi vegnir garantì ch'il manaschi da scola cuntinueschia bain ed en moda orientada vers l'avegnir. 


Infurmaziuns: 
cusseglier guvernativ dr. Jon Domenic Parolini, schef dal Departament d'educaziun, cultura e protecziun da l'ambient, tel. +41 81 257 27 01, e-mail Jondomenic.Parolini@ekud.gr.ch 


Gremi: Departament d'educaziun, cultura e protecziun da l'ambient
Funtauna: rg Departament d'educaziun, cultura e protecziun da l'ambient

Neuer Artikel