Navigaziun principala

Cuntegn da la pagina

Plan directiv chantunal: adattaziun en il sectur dal traffic

  • Erste Mitteilung
  • Neuen Beitrag einfügen

Il chapitel existent 6 "Traffic" dal Plan directiv chantunal è vegnì revedì fundamentalmain. Durant l'exposiziun publica dals 16 da fanadur fin ils 18 da settember 2020 po la populaziun prender posiziun davart quest project.

Cun agid d'ina collavuraziun tranter ils uffizis e tranter ils secturs specifics èn ils chapitels parzials d'enfin ussa vegnids controllads e mess à jour sin fundament da las basas actualisadas e dals cuntegns dal Plan directiv, sco per exempel il Concept dal territori u il chapitel 5 "Abitadi" ch'è vegnì approvà dal Cussegl federal l'onn 2019.

In'excepziun è il chapitel parzial "Traffic d'aglomeraziun / programs d'aglomeraziun". La primavaira 2019 han ins cumenzà ad elavurar la quarta generaziun dal program d'aglomeraziun Cuira. Il chapitel parzial vegn repassà en moda cumplessiva pir suenter ch'il sboz dal program d'aglomeraziun da Cuira è avant maun, probablamain l'onn 2021.

Integrà novaziuns impurtantas
Il chapitel 6 "Traffic" dal Plan directiv chantunal dal Grischun datava principalmain da l'onn 2002. Las ultimas adattaziuns vi dal text da quest chapitel dal Plan directiv èn vegnidas fatgas l'onn 2009. Dapi lura èn vegnidas adattadas oravant tut las glistas dals objects. Novaziuns impurtantas, sco per exempel il nov Plan chantunal sectorial Velo, n'eran anc betg vegnidas integradas en il chapitel "Traffic" dal Plan directiv. Medemamain mancavan aspects pli novs da la mobilitad (p.ex. multimodalitad u digitalisaziun). Pervia da quai ha il chapitel dal Plan directiv stuì vegnir revedì fundamentalmain. Questa revisiun è vegnida cumenzada l'onn 2018.

Las midadas fatgas vegnan decleradas en il rapport explicativ.

Neuer Artikel

Infurmaziuns:
Jacques Feiner, manader da la partiziun Planisaziun directiva e basas, Uffizi per il svilup dal territori dal Grischun, tel +41 81 257 23 37, e-mail Jacques.Feiner@are.gr.ch


Gremi: Uffizi per il svilup dal territori
Funtauna: rg Chanzlia chantunala