Navigaziun principala

Cuntegn da la pagina

La Regenza ha prendì enconuschientscha che la revisiun da la Lescha da chatscha è vegnida refusada

  • Erste Mitteilung
  • Neuen Beitrag einfügen

Las votantas ed ils votants svizzers han refusà la revisiun da la Lescha federala da chatscha cun 51,9 pertschient da las vuschs. La Regenza deplorescha questa decisiun ed entra en contact cun la Confederaziun.

La Regenza ha prendì enconuschientscha che la revisiun da la Lescha da chatscha ha fatg naufragi. Ella avess beneventà, sche las mesiras per regular il dumber da lufs avessan pudì vegnir sviluppadas vinavant, sco ch'il project da lescha da la Confederaziun l'aveva previs. L'intent dal project da lescha fiss stà quel da regular cun responsabladad il dumber da lufs e d'evitar il medem mument – ensemen cun ina protecziun da muntaneras efficazia – donns vi d'animals da niz e d'augmentar l'acceptanza da la preschientscha dal luf tar la populaziun pertutgada.

La Regenza vegn ad evaluar il resultat da la votaziun ed a s'engaschar er en il futur per ina relaziun adequata cun la preschientscha dal luf e per ina ferma protecziun da muntaneras. Per quest intent vegn ella a contactar la Confederaziun per fixar l'ulteriur proceder.


AInfurmaziuns:

cusseglier guvernativ Mario Cavigelli, schef dal Departament d'infrastructura, energia e mobilitad, tel. +41 81 257 36 01, e-mail Mario.Cavigelli@diem.gr.ch


Gremi: Regenza
Funtauna: rg Chanzlia chantunala

Neuer Artikel