Navigation

Inhaltsbereich

  • Erste Mitteilung
  • Neuen Beitrag einfügen

Ils 12 da schaner 2021 ha l'interpresa farmaceutica Moderna survegnì l'admissiun da Swissmedic per il segund vaccin svizzer cunter COVID-19. Cun plaschair ha il chantun Grischun prendì enconuschientscha da l'admissiun dal vaccin da Moderna. Perquai ch'er il nov vaccin vegn furnì mo en quantitads limitadas, èsi vinavant necessari da priorisar las gruppas en mira.

Cun plaschair ha il chantun Grischun prendì enconuschientscha da l'admissiun dal vaccin da Moderna en Svizra. Tenor la coordinaziun da la Confederaziun vegnan surdadas questa emna 5000 dosas dal vaccin al chantun Grischun. En 3 emnas suondan lura 7700 ed en 6 emnas 10 300 ulteriuras dosas dal vaccin.

Ils centers da vaccinaziun e da test vegnan previsiblamain a pudair vaccinar a partir dals 20 da schaner 2021 las gruppas en mira ch'èn mintgamai admessas. Avant ils 22 da favrer 2021 na pon las medias ed ils medis da chasa betg porscher vaccinaziuns per las gruppas en mira admessas; vaccinaziuns da massa vegnan previsiblamain ad esser pussaivlas a partir da l'avrigl.

Ulteriuras infurmaziuns davart la vaccinaziun cunter il coronavirus vegnan publitgadas d'in cuntin sin la pagina d'internet www.gr.ch/impfung.


Infurmaziuns:
Post da communicaziun per il coronavirus dal chantun Grischun, e-mail kfsmedien@amz.gr.ch, tel. +41 79 716 22 95 (exclusivamain per collavuraturas e collavuraturs da las medias)


Gremi: Uffizi da sanadad
Funtauna: rg Uffizi da sanadad

Neuer Artikel