Ils resultats da la votaziun dal pievel dad oz en il chantun Grischun pon vegnir consultads en l'internet sut www.gr.ch/abstimmung.

Ultra da quai chattais Vus sin questa pagina er las infurmaziuns davart ils resultats dad e-voting. En il rom dal manaschi d'emprova han las persunas cun dretg da votar da las vischnancas da Domat, Lumnezia, Puntraschigna, Puschlav e Val Stussavgia oz pudì dar giu per l'emprima giada lur vusch sin via electronica.

Da reprender il manaschi d'emprova cun e-voting è gartegià cun success. A chaschun da questa votaziun dal pievel han en total 748 votantas e votants dà giu lur vusch sin via electronica. Il manaschi d'emprova cuntinuescha sco planisà. A la votaziun dal pievel dals 9 da zercladur 2024 pon er las persunas cun dretg da votar da la vischnanca da Landquart votar per l'emprima giada sin via electronica.

L'annunzia è pussaivla da tut temp
Votantas e votants interessads da las sis vischnancas da pilot che n'èn anc betg s'annunziads per la votaziun electronica, pon far quai da tut temp tar lur vischnanca. Per la proxima votaziun dal pievel dals 9 da zercladur 2024 serra la fanestra d'annunzia per e voting ils 14 d'avrigl 2024. A partir dal 2025 èsi previs d'extender la votaziun electronica sin ulteriuras vischnancas dal chantun Grischun.

Infurmaziuns per dumondas en connex cun il e-voting:

Daniel Spadin, chancelier, Chanzlia chantunala, tel. +41 81 257 22 47 (cuntanschibel da las 13.00 fin las 16.00), e‑mail Daniel.Spadin@staka.gr.ch

Responsabladad: chanzlia chantunala