Quest onn ha il president da la Regenza Marcus Caduff manà la Regenza en la part sut da la Surselva. Durant dus dis èn la commembra ed ils commembers da la Regenza ed il chancelier s'occupads da l'istorgia e da la cultura da la regiun ed han tschertgà il barat direct cun la populaziun.

L'emprim di è la Regenza sa messa sin via en direcziun Lumnezia. Ella è viandada sin la senda panoramica da Hitzeggen fin al Piz Mundaun ed ha giudì il panorama impressiunant.

Suenter ha la vischnanca da Lumnezia envidà ad in aperitiv al lai da far bogn «Davos Munts». En la patria dal president da la Regenza hai uschia dà l'occasiun per inscunters e per discurs cun la populaziun.

Il segund di è la Regenza stada a Vuorz. A chaschun da la visita dal chastè da Munt Son Gieri e dal Crest la Fuortga èn l'istorgia davart il pli grond chastè en Surselva sco er il temp da la persecuziun da strias stads en il center.

A Sursaissa Meierhof han la commembra ed ils commembers da la Regenza visità l'exposiziun da l'artist indigen defunct Rudolf Mirer en il Center Steinhauser.

Fotografias agiuntadas:

Foto 2, Foto 3

Infurmaziuns:

President da la Regenza Marcus Caduff, schef dal Departament d'economia publica e fatgs socials, e‑mail Marcus.Caduff@dvs.gr.ch

Responsabladad: Regenza