Las elecziuns dal Cussegl grond per la perioda d'uffizi da l'emprim di da la sessiun d'avust 2026 fin al cumenzament da la sessiun d'avust 2030 han lieu ils 14 da zercladur 2026.
Repartiziun dals sezs sin ils circuls electorals
La Regenza ha repartì ils sezs dal Cussegl grond sin ils circuls electorals. Decisiva per la repartiziun dals sezs è la populaziun svizra dals circuls electorals sin fundament da la statistica federala da la populaziun e da las chasadas (STATPOP).
La repartiziun dals 120 sezs dal Cussegl grond sin ils 39 circuls electorals po vegnir consultada qua:
Infurmaziuns davart la procedura d'annunzia
L'urari cuntegna datas e termins per la procedura d'annunzia:
Questa elecziun vegn publitgada ils 26 da schaner 2026 en il Fegl uffizial chantunal.
L'ultim termin per inoltrar propostas electoralas (glistas) per las elecziuns dal Cussegl grond finescha glindesdi, ils 23 da mars 2026, a las 12.00 (inoltraziun da las glistas electoralas a las regiuns).
Per ulteriuras infurmaziuns davart l'inoltraziun da propostas electoralas po vegnir contactada la Chanzlia chantunala per e-mail info@gr.ch u per telefon +41 81 257 22 23.
Communicaziuns a las medias
Erläuterungen für Menschen mit Behinderung
Mussavia electoral en lingua simpla
Mussavia electoral per persunas tschorvas ed impedidas da la vesida e per persunas che han difficultads da leger
(datas da CD en il format da Daisy)
Infurmaziuns davart readers da Daisy chattais Vus sin la pagina d'internet da la «Biblioteca svizra per umans tschorvs, per umans impedids da la vesida e per persunas che han difficultads da leger (SBS)»