1. Stritgar

Vus pudais stritgar nums da candidatas e candidats prestampads. Uschia na survegnan questas persunas naginas vuschs da candidata u candidat. Las vuschs da partida da questa glista n’èn percunter betg pertutgadas da quai (lingias vidas = vuschs supplementaras per la glista respectiva).

2. Panaschar

Sin il cedel electoral pudais Vus scriver nums da candidatas e candidats che figureschan sin autras glistas. Las vuschs correspundentas quintan pia sco vuschs da partida per las autras glistas e sco vuschs da candidata u candidat per las candidatas ed ils candidats menziunads.

3. Cumular

Vus pudais repeter a maun ina segunda giada in num prestampà u, sche Vus panaschais, scriver si duas giadas in num. Uschia survegn questa persuna duas vuschs da candidata u candidat e sia partida duas vuschs da partida. En circuls electorals cun in sez n’èsi betg pussaivel da cumular. Sch’in cedel electoral cuntegna – ultra dals nums prestampads – er anc lingias vidas, pudais Vus cumular e/u panaschar sin quest cedel electoral, senza stuair stritgar in auter num.

Impurtant:

Ils nums ston vegnir scrits ora. Virgulettas (’’), «dito», «do.», «idem» e.u.v. n’è betg valaivel.