Tgi che fa diever dal cedel electoral «vid», po – na sto dentant betg – scriver si il numer d’ordinaziun e/u la designaziun da la partida d’in cedel electoral prestampà da ses circul electoral. Sche la designaziun ed il numer d’ordinaziun mancan, na vegnan las lingias vidas betg quintadas. En quest cas sa tracti da vuschs vidas.

Il cedel electoral «vid» sto cuntegnair almain il num d’ina candidata elegibla u d’in candidat elegibel. Cumular è pussaivel er qua mo en circuls electorals cun plirs sezs.