Procedura electorala da maiorz

Las commembras ed ils commembers da la Regenza vegnan elegids tenor la procedura electorala da maiorz per 4 onns e pon vegnir reelegids maximalmain duas giadas. Il territori chantunal furma il circul electoral. En l’emprim scrutini è elegì, tgi che ha cuntanschì la maioritad absoluta. Sch’il dumber da candidatas e candidats che han cuntanschì la maioritad absoluta è pli grond ch’il dumber da sezs ch’èn d’occupar, valan las persunas cun las bleras vuschs sco elegidas.

La maioritad absoluta vegn calculada sco suonda: Il dumber total da tut las vuschs valaivlas ch’èn vegnidas dadas a candidatas ed a candidats, vegn dividì tras il dubel dumber da sezs libers. La proxima cifra entira pli auta è la maioritad absoluta.

Sche betg tut las tschintg commembras e commembers da la Regenza na vegnan elegids en l’emprim scrutini, ha lieu in segund scrutini ils 16 d’avust 2026. Elegids èn quellas candidatas e quels candidats che survegnan las pli bleras vuschs
(maioritad relativa).