Emplenir il cedel electoral

Cedels electorals utilisabels

L’atgna vusch è valaivla mo cun il cedel electoral uffizial (cedel electoral cun candidatas e candidats prestampads per far ina crusch).

Emplenir il cedel electoral

En ils champs previs sin il cedel electoral dastgan ins far persunalmain ed a maun ina crusch (x) tar maximalmain 5 nums da candidatas e candidats prestampads (las candidatas ed ils candidats èn enumerads en successiun alfabetica).
Mo nums ch’èn marcads cun ina crusch survegnan ina vusch.
Sche Vus faschais ina crusch tar dapli che 5 nums, è il cedel electoral nunvalaivel. Cumular n’è betg permess.
Sche nagins nums n’han ina crusch, vala il cedel electoral sco vid.
Cedels electorals che cuntegnan remartgas offendentas u caracterisaziuns evidentas èn nunvalaivels.

Impurtant:

Per la medema candidata u il medem candidat po vegnir dada mo ina vusch. Cumular (vuschar pliras giadas per la medema persuna) n’è betg permess per las elecziuns da la Regenza.