Zum Seiteninhalt

Elecziuns dal cussegl dals chantuns 2019

Las elecziuns dal cussegl dals chantuns èn elecziuns chantunalas ed han lieu mintga 4 onns il medem mument sco las elecziuns dal cussegl naziunal la segund ultima dumengia d'october. Il termin per l'elecziun da renovaziun dal cussegl dals chantuns per la durada d'uffizi da 4 onns che cumenza cun la sessiun d'enviern 2019 è dumengia, ils 20 d'october 2019. Ils dus sezs dal chantun Grischun en il cussegl dals chantuns vegnan surdads tenor la procedura electorala da maiorz. Il dretg d'eleger ed il dretg da vegnir elegì han tut las Svizras e tut ils Svizzers che han cumplenì il 18. onn da vegliadetgna e che han lur domicil politic en il chantun. Il dretg d'eleger activ e passiv han spezialmain er las Svizras ed ils Svizzers che vivan a l'exteriur, ma ch'èn registrads en il chantun.

In segund scrutini ha lieu, sch'in u tuts dus sezs restan vacants en l'emprim scrutini, perquai che las candidatas ed ils candidats n'han betg cuntanschì la maioritad absoluta. Quest segund scrutini avess lieu ils 10 da november 2019.