En passa 30 lieus en Svizra sco er en il Principadi da Liechtenstein datti rundas da discussiun dal program «Maisas da dunnas/maisas d’umens». Il Post spezialisà per l’integraziun è dapi l’entschatta dal 2022 il purtader ed ha surpiglià la direcziun dals posts per il chantun Grischun. En la fasa iniziala ha lieu ina collavuraziun cun 13 moderaturas e moderaturs ch’èn francads en las regiuns Plaun, Landquart, Plessur u Partenz Tavau.

Discutar las dumondas dal mintgadi en ina gruppa pitschna, moderada da persunas scoladas, emprender d’enconuscher autras mammas resp. auters babs, barattar experientschas cun auters e far novas scuvertas u obtegnair infurmaziuns utilas per il mintgadi da la famiglia – tut quai porschan las rundas da discussiun da las maisas da dunnas/maisas d’umens en il Grischun. Quellas vegnan organisadas en passa 12 linguatgs ed èn gratuitas.

 

Ulteriuras infurmaziuns (DE): www.integration.gr.ch