21 da mars: Di internaziunal cunter il rassissem
Ils 21 da mars 1960 ha la polizia mazzà 69 persunas en la citad sidafricana Sharpville, persunas che demonstravan paschaivlamain cunter l'apartheid. Sis onns suenter la mazzacra ha l'Assamblea generala da las Naziuns Unidas fixà ils 21 da mars sco Di internaziunal cunter il rassissem.
Per bleras persunas en Svizra è il rassissem realitad. Er en il Grischun datti persunas ch'èn pertutgadas da rassissem. Ellas rapportan da situaziuns, nua ch'ellas vegnan discriminadas, umiliadas, insultadas u dischavantagiadas pervia da la colur da lur pel u pervia da caracteristicas etnicas u culturalas. Questas experientschas che offendan la persuna pon chaschunar stress emoziunal, malsegirezza, sintoms psicosomatics sco er depressiuns e betg sco ultim er l'exclusiun da la societad.
Il rassissem fa donn a las persunas pertutgadas ed a l'entira societad. El sto vegnir classifitgà sco problem actual ch'ins sto prender serius. Tant pli impurtant èsi, che nus tuts ensemen ans engaschian anc pli fitg cunter el.
Links utils