GR DocCapture è in'applicaziun mobila per smartphones e tablets, che po vegnir duvrada per transferir documents en in'autra applicaziun specifica.
Per exempel per scannar las agiuntas, uschia ch'ellas èn prontas per far la decleraziun da taglia en SofTax GR (dapi la perioda fiscala 2019).
Las applicaziuns da destinaziun pussaivlas èn menziunadas qua sutvart.

L'utilisaziun da GR DocCapture è simpla: 

• Scannai cun GR DocCapture il code QR che vegn mussà en l'applicaziun da destinaziun.
• Scannai suenter ils documents che Vus vulais transferir en l'applicaziun giavischada.
• Alura vegnan ils documents transferids directamain en l'applicaziun da destinaziun tschernida.
  

GR DocCapture è segir: La communicaziun cun il server en Svizra ed il transferiment da las agiuntas ha lieu en moda codada.