Ils formulars da dumonda A1, A2, B1 e B2 èn vegnids adattads. Da nov vegnan pretendidas en l'entir chantun – en il senn d'ina decleranza persunala – indicaziuns davart chastis precedents sco er davart inquisiziuns penalas currentas.

Nus As supplitgain da guardar a partir d'immediat da duvrar ils formulars da dumonda actuals (cun dumondas correspundentas davart ils chastis precedents e davart las proceduras currentas) e d'emplenir quels confurm a la vardad. Nus As rendain attent che la taschentada da fatgs impurtants sco er l'indicaziun da fatgs fauss pon eventualmain chaschunar consequenzas penalas (Art. 62 al. 1 lit. a LEI sco eir art. 118 al. 1 LEI).

Stadis da la UE/AECL:

• Burgaisas e burgais da tut ils stadis da la UE/AECL e lur confamigliars independentamain da la naziunalitad.
• Lavurantas e lavurants tramess en Svizra d'in stadi da la UE/AECL (furnituras e furniturs da servetschs) per dapli che 90 dis durant in onn chalendar.
  
• Stadis UE-28/AECL: Austria, Belgia, Bulgaria, Cipra, Croazia, Danemarc, Estonia, Finlanda, Frantscha, Germania, Grezia, Irlanda, Islanda, Italia, Lettonia, Lituania, Luxemburg, Malta, Norvegia, Pajais Bass, Pologna, Portugal, Principadi da Liechtenstein, Republica Slovaca, Republica Tscheca, Rumenia, Slovenia, Spagna, Svezia, Ungaria

Dumonda da permissiun per persunas estras UE/AECL (A1)
Dumonda per la reuniun da la famiglia UE/AECL (A2)
Dumonda da prolungar la permissiun per persunas estras UE/AECL cun avis da scadenza (permissiun B e C)

Terzs stadis:

• Burgaisas e burgais d'in stadi che n'appartegna betg a la UE/AECL e lur confamigliars independentamain da la naziunalitad
• Confamigliars d'ina burgaisa svizra u d'in burgais svizzer, che na derivan betg d'in stadi da la UE/AECL
• Persunas cun ina permissiun N, F u S

Dumonda da permissiun per persunas estras (B1)
Dumonda per la reuniun da la famiglia (B2)
Dumonda da prolungar la permissiun per persunas estras da terzs stadis cun avis da scadenza (permissiun N, F, S sco er B e C)