Midada dal clima
Sco chantun da muntogna è il Grischun pertutgà fermamain da la midada dal clima progredinta. Il chantun infurmescha regularmain davart il clima midà e davart las consequenzas che quai ha per la regiun e mussa co ch'el va enturn cun las sfidas da la midada dal clima.
www.klimawandel.gr.ch
Energia
Sco purtader d'energia ecologica ha la forza idraulica ina gronda valur en il Grischun. En connex cun l'utilisaziun da la forza idraulica indigena ademplescha il chantun ina funcziun d'approvaziun e da surveglianza. Ultra da quai exequescha el las incumbensas federalas en connex cun il provediment d'electricitad.
Ambient
Differentas chartas dattan infurmaziuns davart la protecziun da l'ambient en il Grischun.
I n'è betg pussaivel da s'imaginar da pudair mantegnair las plantas ed ils animals selvadis ed indigens senza proteger lur spazis da viver (biotops). La protecziun da las spezias e dals biotops cumpiglia la protecziun, la tgira e la promoziun da spezias da plantas e d'animals selvadis.
Il spazi d'auas serva a garantir il spazi per las auas. Il spazi d'auas da las auas currentas è in corridor d'ina tscherta ladezza che cumpiglia l'aua currenta sezza, il sectur da la riva ed en tscherts cas er ils conturns.
Anc adina essan nus umans e la natira exposts temporarmain ad ina contaminaziun da l'aria memia auta. Zunt problematicas èn las consequenzas da la pulvra fina, dal fulin e dal ozon.