Navigation

Inhaltsbereich

Sanadad

Il Grischun ha ina buna rait per il provediment da la sanadad e las cundiziuns da viver promovan la sanadad. La populaziun vegn sustegnida e rinforzada tar la creaziun ed il mantegniment d'in stil da viver saun

Victualias e bavrondas destilladas

Il chantun posseda dus inspecturats da victualias, in inspecturat d'aua da baiver ed in laboratori. Entant ch'ils inspecturats da victualias èn cumpetents per las controllas da manaschis e da products, vegnan analisadas en il laboratori las emprovas ch'ils controlladers da victualias han prendì.

Animals

Il chantun è cumpetent per exequir las legislaziuns dals secturs da la sanadad d'animals, da la protecziun dals animals, dals medicaments veterinars e da la segirezza da victualias en connex cun la producziun da latg ed en connex cun la meztga. En il center da sia lavur stat la protecziun dals animals da niz cunter epidemias d'animals, la sanadad publica e la protecziun dals animals.

Chemicalias

Il chantun è responsabel per exequir la legislaziun davart las substanzas chemicas tar ils producents, tar ils importaders, tar ils commerziants e tar ils utilisaders da substanzas chemicas, da materias e da preparats. El controlla l'igiena da l'aua dals bogns en hallas, en bogns averts ed en lais sco er en puzs artifizials per far bogn.