Analisa chantunala dals privels
Per garantir vinavant e per meglierar cuntinuadamain la protecziun da la populaziun e da sias basas da viver en il chantun Grischun, ha la regenza incumbensà il favrer 2013 l'Uffizi da militar e da pro-tecziun civila da far in'analisa cumplessiva da la periclitaziun per la protecziun da la populaziun, e quai sin basa da l'idea da la gestiun da ristgas integrala. En quest connex èsi stà d'analisar sulettamain eveniments che pon chaschunar ina situaziun speziala ed oravant tut extraordinaria en il chantun e che pretendan il sistem da la pro-tecziun da la populaziun.
Tenor l'analisa da la periclitaziun ch'è vegnida terminada l'onn 2014 èn - ord vista da la protecziun da la populaziun - 23 periclita-ziuns relevantas per il chantun Grischun: 9 periclitaziuns da la nati-ra, 8 tecnologicas e 6 socialas.
En tut èn vegnids identifitgads deficits durant las fasas da la pre-venziun, dal dumogn e da la reconstrucziun suenter eveniments. Tenor questa analisa èn vegnidas formuladas mesiras per eliminar u almain per reducir ils deficits existents e per reducir uschia las ristgas da las periclitaziuns. Bleras da las mesiras sa laschan reali-sar dals posts da servetsch en las fatschentas quotidianas cun las resursas persunalas existentas ed en il rom dal preventiv ordinari. Fin la fin da l'onn 2018 duain – tenor la planisaziun dals posts da servetsch – esser realisadas ca. 80% da las mesiras. Per realisar tschertas mesiras dovri ina decisiun da la regenza. La decisiun poli-tica davart la realisaziun da las mesiras na vegn betg chapida sco fin da las lavurs da "l'analisa da periclitaziun dal Chantun Gri-schun", mabain plitost sco punct da partenza d'ina gestiun da rist-gas sco incumbensa permanenta.
ZLa gestiun permanenta da las ristgas cumpiglia l'examinaziun regu-lara e l'actualisaziun da la situaziun da periclitaziun, la realisaziun permanenta da las mesiras sco er ina controlla da questas realisa-ziuns. Ina gestiun da ristgas etablida e constanta permetta plina-vant d'utilisar ils meds finanzials limitads en moda effizienta e da proteger uschia er a lunga vista la populaziun e sia basa da viver en il chantun. Per incumbensa da la regenza coordinescha l'Uffizi da militar e da protecziun civila permanentamain l'applicaziun da la gestiun da ristgas.
Telechargiar
Rapport "Analisa da periclitaziun per il chantun Grischun"
Analisa da la periclitaziun communala
L'analisa da las periclitaziuns per las vischnancas è in element central da la gestiun integrala da ristgas d'ina vischnanca. L'analisa da las periclitaziuns e da lur ristgas è la basa per optimar cuntinua-damain la protecziun da la populaziun da la vischnanca. Tenor l'art. 7 da la lescha federala davart la protecziun da la populaziun dal Chantun Grischun (BR 630.000) èn las vischnancas cumpetentas per la prevenziun en vista a situaziuns spezialas ed extraordinarias da lur territori communal e ston far in'analisa communala da pericli-taziun. La finamira dal studi è in'analisa cumplessiva da las pericli-taziuns ed uschia d'obtegnair ina survista da las periclitaziuns ch'èn relevantas per la vischnanca e da las documentar cun scena-ris da referenza, da discutar emprimas mesiras per reducir las rist-gas e da preparar la realisaziun da las mesiras necessarias. Ils gremis politics cumpetents da la vischnanca decidan fin cura che tge mesiras ston vegnir realisadas e tge ristgas (restantas) ch'èn acceptablas.