Analisa chantunala dals privels

La Svizra è adina puspè pertutgada d’eveniments e da svilups che pericliteschan la populaziun e sias basas d’existenza u che restrenschan considerablamain il mintgadi. Superar catastrofas e situaziuns d’urgenza è ina gronda sfida per la protecziun da la populaziun. Per pudair far frunt sistematicamain a questas periclitaziuns, ston ins enconuscher tant las periclitaziuns sco er las ristgas che resultan dad ellas.

Per garantir e meglierar cuntinuadamain la protecziun da la populaziun e da sias basas d’existenza, ha lieu regularmain in’analisa da las periclitaziuns en il chantun Grischun. Questa analisa vegn fatga e revedida en il rom dal management permanent da las ristgas. Il focus vegn mess sin eveniments che pon chaschunar ina situaziun speziala u extraordinaria e ch’èn ina gronda sfida per il sistem da cooperaziun da la protecziun da la populaziun. Per giuditgar meglier la ristga è vegnì lavurà per mintga periclitaziun cun in scenari «considerabel» e cun in scenari «grond» (excepziun: N02 Aua gronda).

En la revisiun actuala èn vegnidas giuditgadas 27 periclitaziuns dals secturs natira, tecnica e societad sco relevantas per il chantun Grischun.

Telechargiar

Rapport "Analisa da periclitaziun per il chantun Grischun"

Analisa da la periclitaziun communala

L'analisa da las periclitaziuns per las vischnancas è in element central da la gestiun integrala da ristgas d'ina vischnanca. L'analisa da las periclitaziuns e da lur ristgas è la basa per optimar cuntinua-damain la protecziun da la populaziun da la vischnanca. Tenor l'art. 7 da la lescha federala davart la protecziun da la populaziun dal Chantun Grischun (BR 630.000) èn las vischnancas cumpetentas per la prevenziun en vista a situaziuns spezialas ed extraordinarias da lur territori communal e ston far in'analisa communala da pericli-taziun. La finamira dal studi è in'analisa cumplessiva da las pericli-taziuns ed uschia d'obtegnair ina survista da las periclitaziuns ch'èn relevantas per la vischnanca e da las documentar cun scena-ris da referenza, da discutar emprimas mesiras per reducir las rist-gas e da preparar la realisaziun da las mesiras necessarias. Ils gremis politics cumpetents da la vischnanca decidan fin cura che tge mesiras ston vegnir realisadas e tge ristgas (restantas) ch'èn acceptablas.