La responsabladad generala per la segirezza da la populaziun e tras quai per il sistem da colliaziun "protecziun da la populaziun" è da l'executiva cumpetenta (suprastanza communala, regenza chantunala). Per dumagnar catastrofas e situaziuns d'urgenza in-stitueschan las vischnancas ed il Chantun in stab da direcziun. Quel surpiglia la direcziun, sche pliras organisaziuns partenarias lavuran communablamain durant in temp pli lung.

Il stab directiv è cumpetent per:

• garantir l'infurmaziun da la populaziun davart privels, davart pussaivladads da protecziun e davart mesiras da protecziun;
  
• l'avertiment e l'alarm sco er il dar a la populaziun in-strucziuns da cumportament;
• la garanzia da l'activitad directiva;
• la coordinaziun da las preparaziuns e da las acziuns da las organisaziuns partenarias;
• garantir che la protecziun civila saja pinada a temp per la si-tuaziun correspundenta
• garantir il rinforz persunal e material da la protecziun civila en cass da conflicts armads