Als burgais d'in stadi terz po vegnir dada ina permissiun da dimora curta per l'intent da la frequentaziun da la scola. Il scolar/student sto esser admess ad ina scola renconuschida en il chantun Grischun e la frequentaziun da la scola sto cumpigliar almain 30 lecziuns per emna repartidas regularmain sin 5 dis da l'emna:

Ulteriuras premissas:

• Enconuschientschas da la lingua en ina lingua d'instrucziun ed enconuschientschas da la lingua d'usit local ubain englais (cumprovas tras in certificat da lingua renconuschì)
• La sortida dal pajais suenter la frequentaziun da la scola
• La cumprova da meds finanzials
• La vegliadetgna (tut tenor scolaziun a partir dal 12avel onn da la vita fin sin il pli il 30avel onn da la vita)
• Il domicil sto vegnir declerà en il chantun, nua che l'institut da scolaziun sa chatta

Il scolar/student sto inoltrar ina dumonda d'entrada persunala tar la represchentanza svizra cumpetenta en l'exteriur. Ins sto inoltrar la dumonda almain dus mais avant il cumenzament da la scolaziun intenziunada.

In cumenzament da lavur è scumandà, era sch'el succeda gratuitamain. Scolaras/scolars na survegnan naginas permissiuns per executar in'activitad da gudogn (era nagina lavur a temp parzial).

Ulteriuras infurmaziuns survegnis Vus dal Ressort d'entrada, numer da telefon: 081 257 25 25.

Link al fegl d'infurmaziun