In'absenza pli lunga dal pajais vul esser preparada bain. Qua in per tips per che Vus possias partir e puspè turnar bain er are-guard il militar.
Vus essas probablamain pli pauc che 12 mais a l'exteriur?
Resguardai qua per plaschair il fegl d'infurmaziun correspundent.
Dumonda da spustar il servetsch
Sch'il servetsch da Vossa furmaziun croda en il temp da Vos segiurn a l'exteriur, stuais Vus inoltrar ina dumonda per spustar il servetsch il pli tard 14 emnas avant ch'il servetsch cumenza!
Dumonda da dispensaziun da l'obligaziun da tir
Sch'il segiurn a l'exteriur impedescha d'ademplir l'obligaziun da tir ordaifer il servetsch ("tir obligatoric", da l'entschatta d'avrigl fin la fin d'avust), stuais Vus inoltrar a noss uffizi ina dumonda en scrit per ina dispensaun da l'obligaziun da tir.
Vus essas probablamain pli ditg che 12 mais a l'exteriur?
In congedi a l'exteriur è necessari. Faschai il suandant:
Cun la dumonda d'in congedi a l'ester ans stuais Vus trametter, ensemen cun il document d'identitad militar per ademplir l'obliga-ziun da far servetsch militar (cudeschet da servetsch) stringen-tamain ina attestaziun da l'avis da partenza da dretg civil da Voss lieu da domicil.
Obligaziuns avant la partenza:
- Adempliment da l'obligaziun da servetsch
- Adempliment da l'obligaziun da tir
- Pajament da la taglia d'exemziun dal servetsch militar
- Consegna da l'equipament/arma en in post da restabiliment (ar-senal)
- Avis da partenza da dretg civil tar la vischnanca da domicil
La dumonda per in congedi a l'exteriur vegn acceptada, sche las obligaziuns che resultan da quai èn ademplidas. Inoltrar la du-monda sco formular per posta u online.