La recrutaziun ha lieu tranter trais e dudesch mais avant la scola da recrut planisada. I vegn recumandà d'absolver la scola da recrut suenter l'emprima scolaziun, il pli tard cun il 25 avel onn da vegliadetgna.

ZLa recrutaziun cuzza dus fin trais dis e ha lieu per ils Grischuns da lingua tudestga e rumantscha a Mels e per ils Grischuns da lingua taliana sin il Monte Ceneri. Ella po vegnir absolvida pir suenter il 18 avel anniversari.

La recrutaziun serva als medis da recrutaziun per verifitgar l'abilitad da far servetsch militar u servetsch da protecziun. En il rom da la recrutaziun vegnan ultra da quai er eruids il profil da prestaziun persunal ed il potenzial da cader sco er fatg ina controlla da segirezza persunala. A la fin da la re-crutaziun vegnan decididas la data definitiva da la SR e la funcziun en l'armada u en la protecziun civila.

DLa recrutaziun è obligatorica per tut ils Svizzers obligads da far servetsch militar. Nus rendain attent al fatg ch'ina absenza nunperstgisada a la recrutaziun ha per consequenza mesiras penalas tenor la lescha penala militara (multa u arrest).

Ulteriuras infurmaziuns davart la recrutaziun survegnis Vus qua.