In spustament da la recrutaziun è pussaivla, sche motivs professiunals, examens u viadis da studi pretendan quai. Ina dumonda da spustament motivada sto vegnir inoltrada en furma scritta u electronica entaifer 10 dis da lavur avant il termin d'entrada en servetsch.

L'obligaziun per la recrutaziun ed il cumond oriund da marschar restan valaivels, uschè ditg ch'il spustament dal servetsch n'è betg lubì en scrit.

En cas da malsogna

Sche Vus essas malsaun u avais gì in accident curt avant la recrutaziun, As mettai en contact cun nus telefonicamain uschè svelt sco pussaivel, per che nus As possian dispensar e fixar in nov termin.

Midada dal mument giavischà da la scola da recrut

Sche Vus constatais che Vus na pudais betg absolver la scola da recrut a la data fixada al di da recrutaziun, infur-mai nus immediatamain en scrit u electronicamain. Nus pudain lu far la planisaziun da nov.