Oz vegni vivì e lavurà en spazis funcziunals che na sa tegnan betg pli vi da cunfins administrativs. Il barat intensiv sur ils cunfins da las vischnancas, dal chantun – ed adina pli savens er dal pajais – è il mintgadi. La collavuraziun cun ils vischins è per la Svizra ed en spezial er per il chantun Grischun d'impurtanza centrala.

Cun Interreg ha la Cumissiun europeica stgaffì avant passa 30 onns in instrument da promoziun che sustegna la collavuraziun transcunfinala. La finamira d'Interreg è quella da chattar soluziuns pli bunas e pli effizientas grazia a projects transcunfinals e da rinforzar uschia la coesiun economica, sociala e territoriala.

Il chantun Grischun sa participescha en il rom da la Nova politica regiunala (NPR) als dus programs d'Interreg Italia-Svizra e Rain Alpin-Lai da Constanza-Rain Aut (RACR). Partenarias e partenaris da project dal Grischun pon ultra da quai sa participar a projects en il rom dals programs Interreg B Territori alpin ed Europa dal Nordvest.

Ils puncts centrals e las pussaivladads per promover projects d'Interreg transcunfinals e transnaziunals èn fixads en programs separads.

Dapli davart la collavuraziun transcunfinala dal chantun Grischun en la rubrica separada relaziuns externas da la Chanzlia chantunala dal Grischun.