Cun la Nova politica regiunala (NPR) promovan la Confederaziun ed ils chantuns il svilup da l'economia regiunala en ils territoris da muntogna, l'ulteriur territori rural e las regiuns da cunfin da la Svizra. Per realisar tala en il chantun Grischun è responsabel l'Uffizi per economia e turissem.
En il center da la NPR stat la promoziun d'iniziativas e da projects, da l'innovaziun, da la valurisaziun e da la cumpetitivitad en las regiuns. En il Grischun pon vegnir promovids projects da la NPR en tut il territori chantunal. Pussaivla è er la promoziun da projects surchantunals e transcunfinals. Ils accents da promoziun e las pussaivladads da promoziun èn fixads en il program chantunal per realisar la NPR (en rumantsch è disponibel mo en la versiun curta). En il center stattan projects en ils suandants secturs (sistems da valurisaziun):
- Turissem
- Industria ed innovaziun (INOS / SRI)
- Economia da furmaziun e da sanadad
- Economia residenziala
Dapli davart la Nova politica regiunala (NPR) en general: www.regiosuisse.ch/nrp