L'Archiv dal stadi è l'archiv dal chantun Grischun. Sias cumpetenzas èn regladas tras la Lescha chantunala davart la gestiun da documents e l'archivaziun e tras l'ordinaziun respectiva. L'incumbensa principala è quella da render chapaivel l'agir dal stadi. Cun archivar sistematicamain ils documents relevants da las autoritads chantunalas e cun surpigliar supplementarmain documents da derivanza privata è resultà in inventari autentic da funtaunas davart l'istorgia dal Grischun che tanscha enavos var 800 onns e che s'augmenta cuntinuadamain.

Ils documents da l'Archiv dal stadi èn ina part dal patrimoni cultural dal chantun. Els èn accessibels publicamain ed ins als po duvrar gratuitamain, premess ch'els na stettian betg sut la protecziun da datas. L'Archiv dal stadi sustegna e promova la perscrutaziun istorica e l'utilisaziun culturala da las archivalias.

Vulais Vus savair dapli dal Archiv dal stadi dal chantun Grischun?