Il convict è ina instituziun pedagogica. Nossa finamira è il bainstar da mintga abitanta e da mintga abitant. Nus vulain promover l'independenza, la responsabladad e la capacitad da prender la vita en l'agen maun. La direcziun dal convict vegn surdada tradiziunalmain ad in pèr cun uffants. Sco en la vita da famiglia emprovan ins er en l'assistenza da las abitantas e dals abitants da cumbinar "las reglas cun il cor".

Questa persuna è er responsabla per ina buna atmosfera, represchenta ils interess da la cuminanza a la sesida mensila da las abitantas e dals abitants e procura en emprima lingia per l'accumpagnament da la nova abitanta e dal nov abitant.

Sch'igl è necessari vegn organisà in accumpagnament d'emprender. La direcziun u sia substituziun èn adina cuntanschiblas.

Il manader dal convict è a medem temp persuna d'instrucziun a la scola chantunala.

Uschia vegn garantì il liom cun la scola chantunala ed eventualas difficultads en scola da l'abitanta u da l'abitant pon vegnir scuvridas e tematisadas pli svelt.

Mintga cuminanza da plaun designescha ina represchentanza dal plaun.