Cuntegn da la pagina

Regenza dal chantun Grischun

-
Regenza dal chantun Grischun e chancelier

L'autoritad directiva ed executiva suprema è la regenza. Ella consista da tschintg commembras e commembers. Las commembras ed ils commembers da la regenza vegnan elegids tenor la procedura electorala da maiorz per quatter onns e pon vegnir reelegids maximalmain duas giadas.

Mintga commember da la regenza è schef d'in departament da l'administraziun chantunala ed è subordinada sco tala u subordinà sco tal a la regenza sco autoritad cumplessiva. La constituziun chantunala surdat a la regenza tranter auter las suandantas incumbensas:

  • Ella planisescha, fixescha e coordinescha las finamiras ed ils meds da l'agir dal stadi cun resalva da las cumpetenzas da las persunas cun dretg da votar e dal cussegl grond.
  • Ella exequescha las leschas e las ordinaziuns sco er ils conclus dal cussegl grond.
  • Ella represchenta il chantun vers l'intern e vers l'extern.
  • Ella procura che l'urden public e che la segirezza publica vegnian mantegnids.

Perioda d'uffizi dal 1. da schaner 2019 fin ils 31 da december 2022.

Il presidi da la regenza mida mintg'onn.

President 2020

-

Christian Rathgeb

dr. iur. advocat
elecziun sco cusseglier guvernativ: 18 da matg 2014
schef dal departament da finanzas e vischnancas
partida liberaldemocratica (PLD) dal Grischun
naschì ils 14 da favrer 1970
lieu da burgais: Razén
lieu da domicil: Cuira



Vicepresident 2020

-

Mario Cavigelli

dr. iur. advocat
elecziun sco cusseglier guvernativ: 13 da zercladur 2010
schef dal departament da construcziun, traffic e selvicultura
partida cristiandemocratica (PCD) dal Grischun
naschì ils 18 da november 1965
lieus da burgais: Glion (Siat) e Domat
lieu da domicil: Domat


 

-

Marcus Caduff

insch. agr. dipl. SPF / MAS MTEC SPF
elecziun sco cusseglier guvernativ: 10 da zercladur 2018
schef dal departament d'economia publica e fatgs socials
partida cristiandemocratica (PCD) dal Grischun
naschì ils 6 d'avust 1973
lieu da burgais: Lumnezia
lieus da domicil: Morissen e Domat


 

-

Peter Peyer

sindicalist
elecziun sco cusseglier guvernativ: 10 da zercladur 2018
schef dal departament da giustia, segirezza e sanadad
partida socialdemocratica (PS) dal Grischun
naschì ils 18 da december 1965
lieu da burgais: Willisau
lieu da domicil: Trin


 

-

Jon Domenic Parolini

dr. sc. tecn. SPF, sectur spezial "politica forestala ed economia forestala"
elecziun sco cusseglier guvernativ: 18 da matg 2014
schef dal departament d'educaziun, cultura e protecziun da l'ambient
partida burgais-democratica (PBD) dal Grischun
naschì ils 15 da settember 1959
lieus da burgais: Scuol e Braggio (Val Calanca)
lieus da domicil: Scuol e Cuira



Chanzlia chantunala

-

Daniel Spadin

lic. iur. advocat
elecziun sco chancelier: 1. da november 2016
chancelier
naschì ils 5 d’october 1971
lieu da burgais: Razén
lieu da domicil: Cuira





Broschura da la regenza

-Broschura da la regenza 2020

Fotografias uffizialas da la regenza

Las fotografias uffizialas da la regenza pon vegnir chargiadas giu dal portal da fotografias. Las fotografias dastgan vegnir utilisadas cun inditgar la funtauna "Chanzlia chantunala dal Grischun".