Servetschs centrals
La partiziun Servetschs centrals cumpiglia las incumbensas administrativas generalas, la contabilitad, il persunal, il controlling sco er l'infrastructura da biro. Las acquisiziuns cun il management dals contracts e da las licenzas sco er il management dal service incl. la facturaziun da las prestaziuns è er ina part da la partiziun Servetschs centrals, che stat sut la direcziun dal substitut da l'uffizi Heinz Patt.
Manaschi ICT
La partiziun Manaschi ICT stat sut la direcziun da Roman Aebli e cumpiglia ils quatter teams Telecom & centers da calculaziun, Servetschs da server & da datas, Servetschs da basa ICT e Support ICT. Tar las incumbensas tutgan la gestiun dals centers da calculaziun, dals sistems da server e d'arcunaziun, da las raits da datas e dals sistems da firewall, dals sistems da lingua e da communicaziun sco er il metter a disposiziun servetschs da basa sco e-mail, protecziun cunter virus, mobile device management ed il support da computer. Questa gestiun cumpiglia var 250 applicaziuns spezialisadas ch'èn specificas per ils posts da servetsch u che vegnan duvradas cuminaivlamain da plirs posts da servetsch.
Applicaziuns
La partiziun Applicaziuns è cumpetenta per las applicaziuns centralas dal chantun sco per exempel il register da persunas, la gestiun electronica da fatschentas CMI Axioma, applicaziuns web sin basa da SharePoint, agens svilups da programs, il sistem archivar d'infurmaziun, ils incassaments da taglia per il chantun e per las vischnancas sco er il management da l'output cun stampas en massa, emballadi e spediziun. La partiziun vegn manada da Roberto Bertolini.
Gestiun da l'informatica
Al champ d'incumbensas da la Gestiun da l'informatica appartegnan la planisaziun strategica da l'informatica, la budgetaziun da l'informatica dals posts da servetsch, la gestiun dal portfolio da projects d'informatica da l'entira administraziun chantunala, tut ils temas che pertutgan la segirezza da l'infurmaziun, l'architectura da TI, las direcziuns da projects interdisciplinars sco er la preparaziun da las fatschentas da la Cumissiun d'informatica. Manada vegn la partiziun da Mario Eugster.