Fond Karbacher

Il fond ha l'intent da sustegnair projects da perscrutaziun u investiziuns da perscrutaziun en il vast sectur da l'astronomia, da l'astrofisica e da la fisica atmosferica da la Terra en il chantun Grischun. La perscrutaziun duai cunzunt vegnir sustegnida en l'Observatori fisical-meteorologic/Center mundial da radiaziun a Tavau. Il fond duai gidar a serrar largias (da contribuziun) tranter projects successivs u a finanziar las lavurs tecnicas accumpagnantas necessarias. Talas lavurs èn savens exclusas dal Fond naziunal svizzer. Sco exempel saja menziunà il manaschi operaziunal da projects d'astronautica, per ils quals manca actualmain in instrumentari da finanziaziun en Svizra.

Il fond è vegnì constituì ils 31 da matg 2019 tras ina donaziun da signur Daniel Karbacher.

Dumondas pon vegnir drizzadas da tut temp a la direcziun dal fond: karbacher-fonds@physik.uzh.ch

Fond per sustegnair l'agricultura da muntogna en la regiun Partenz/Tavau

Il fond ha l'intent da sustegnair puras e purs da muntogna da la regiun Partenz/Tavau ch'èn en las stretgas.

Il sustegn duai ir a favur da las puras e dals purs da muntogna sco er a lur confamigliars, en spezial a:

• puras e purs da muntogna che dovran agid finanzial, perquai ch'els èn vegnids en las stretgas pervia d'in culp dal destin. Per exempel tras la mort, ina malsogna u in accident da la pura u dal pur da muntogna sez u da ses confamigliars.
• puras e purs da muntogna che dovran agid finanzial, perquai che lur manaschi è vegnì en ina situaziun precara pervia d'eveniments da la natira (malauras, inundaziuns, lavinas, periodas fraidas e da sitgira, terratrembels, parasits, epidemias e.u.v.).

Il fond è vegnì constituì il 1. d'october 2025 sin basa dal testament dals 17 da settember 2018 da dunna Marta Christina Schnewlin, Tavau.

Dumondas pon vegnir drizzadas da tut temp al president da la direcziun dal fond: valentin.luzi@bluemail.ch

Fondo Pro Soglio

 Il fond ha l'intent da prestar sustegns finanzials a las abitantas ed als abitants sco er als uffants da scola da Soglio, uschenavant ch'in basegn è cumprovà.

Il fond è vegnì constituì ils 8 da matg 2017 sin basa dal testament dals 10 da schaner 1978 da dunna Alice Hedwig Pfenninger nasch. Bolliger.

Dumondas pon vegnir drizzadas da tut temp al president da la direcziun dal fond: fernando.giovanoli@bregaglia.ch