Cun la revisiun da la Lescha chantunala da pestga il 2002 è vegnida introducida en il chantun Grischun la statistica da pestga. Las pestgadras ed ils pestgaders che pestgan en auas grischunas èn dapi lura obligads da protocollar lur activitad ed ils peschs pigliads e da communitgar ils resultats a l'Uffizi da chatscha e pestga. Essenzial per la Statistica da pestga dal Grischun è da documentar era las pestgas senza success. La statistica da pestga è in instrument impurtant per controllar il svilup da l'effectiv e survegnir las datas da basa necessarias per cultivar las auas.

Cun la Statistica da pestga dal Grischun stat a disposiziun in instrument interactiv per consultar e visualisar las datas da la pestga en il Grischun. Tuttina, sche Vus vulais savair quants salmelins canadais ch'èn vegnids pigliads en ils lais alpins u quantas patentas da pestga per giuvenils ch'èn vegnidas vendidas u sche Vus As interessais co che las cifras da repopulaziun èn sa midadas en ina tscherta regiun dal Grischun en il decurs dal temp. Cun la statistica da pestga interactiva èsi simpel da far evaluaziuns cun las diversas unitads da datas disponiblas, da represchentar quellas sco grafica u tabella u laschar preparar ellas per stgargiar.

Avri qua la statistica interactiva.

Ina resumaziun da las datas las pli impurtantas da la statistica da pestga annuala chattais Vus qua.