Navigation

Inhaltsbereich

"Las relaziuns da la pestga grischuna èn uschè multifaras …", manegiava – tut intgantà – l'emprim president da la Federaziun chantunala dals pestgaders grischuns, prof. A. Florin, l'onn 1913. Multifara è la pestga en il chantun Grischun anc oz – er sch'il retgav n'è en blers lieus betg pli uschè grond sco pli baud.

 Dapi l'onn 1903 vegn il dretg da pestga surdà en il chantun Grischun tras il sistem da patenta (regal chantunal) – cun excepziun da singuls dretgs privats. Mintga persuna da 14 onns e dapli po pajar ina taxa al chantun ed ha lura il dretg dad ir a pestga en la gronda part da las auas dal Grischun. Las auas publicas cumpiglian var 200 lais e 1700 km auas currentas.

En las auas dal chantun Grischun èn cumprovadas 34 spezias da peschs e 2 spezias da giombers. La mesadad da questas spezias da peschs chattan ins dentant mo darar u mo en singuls lieus. La spezia da peschs la pli frequenta e la pli derasada è la litgiva d'aual. La bleras auas da peschs en il chantun appartegnan perquai er a la regiun da litgivas. Excepziuns èn las parts giusum dal Rain Alpin e da la Moesa che vegnan attribuidas a la regiun da litschalas.

Communicaziuns actualas davart la pestga chattais Vus sut la rubrica "Tgi essan nus – Actualitads – Pestga".