Il Departament d'infrastructura, energia e mobilitad ha disponì ils 2 d'october 2025 da dar liber da sajettar in luf che chaschuna donns. Quai, suenter ch'in vadè è vegnì stgarpà il 1. d'oc-tober 2025 sin ina tratga da vatgas-mamma sin il territori da la vischnanca da Surses.

Ils chantuns pon dar la permissiun da sajettar singuls lufs che na fan betg part d'in triep e che chaschunan donns considerabels ad animals da niz. Tar animals da las spezias dals arments e dals chavals è in donn considerabel dà, sch'in singul luf ha mazzà u blessà grevamain almain in animal da niz.

Tenor las prescripziuns da l'ordinaziun federala da chatscha èsi vegnì disponì da sajettar per ina perioda da 60 dis il luf che chaschuna donns. Tenor las enconuschientschas actualas sa mova quest luf sin il territori da las duas vischnancas da Surses e da Bregaglia. La permissiun da sajettar ils lufs vegn permessa a la surveglianza chantunala da chatscha sco er – en cas da basegn – a las chatschadras ed als chatschaders ch'èn autorisads per quai en il rom da la chatscha speziala grischuna.

Disposiziun dal departement